B143

PRÆFATIUNCULA IN PERIERMENIAS .
A
RISTOTILES SCRÉIB CATHEGORIAS .
chúnt zetûenne . uuáz éin lúzzíu uuórt
pezéichenên . nû uuíle er sámo chúnt ketûon
inperierminiis . uuáz zesámine gelégitíu
bezéichenên . andîen uerum únde falsum fernó-
men uuírdet . tíu latine héizent proloquia ·
Án dîen áber neuuéder uernómen neuuírdet .
tíu eloquia héizent . téro uersuîgêt er án dí-
semo bûoche · Uuánda óuh proloquia geskéiden
sínt . únde éiniu héizent simplicia . dâr éin
uerbum íst . ut homo uiuit . ánderíu duplicia .
dâr zuéi uerba sínt . ut homo si uiuit spirat .
sô lêret er hîer simplicia . intopicis lêret er
duplicia · Fóne simplicibus uuérdent prædica-
tiui syllogismi . fóne duplicibus . uuérdent
conditionales syllogismi · Nâh perierminiis
sól man lésen prima analitica . târ er béide-
ro syllogismorum keméina regula syllogis-
ticam héizet . tára nâh sól man lésen secunda ana-
B144
litica . târ er súnderîgo lêret prædicatiuos syl-
logismos . tîe er héizet apodicticam . zeiúngist
sól man lésen topica . án dîen ér óuh súnderî-
go lêret conditionales . tîe er héizet dialec-
ticam · Tíu partes héizent sáment logica · 
uerním uuîo er díh léite zûo dîen proloquiis ·